نجکاری کے عمل میں صارفین کے مفاد کو ترجیح دی جائے،وزیراعظم کی ہدایت
ADMIN تہران(فرنٹیئرنیوز)ایران کی فارنزک میڈیسن آرگنائزیشن کے سربراہ نے کہا ہے کہ 40 روزہ جنگ میںہزاروں افراد جاںبحق ہوئے ہیں۔
بی بی سی رپورٹ کے مطابق انھوں نے کہا کہ اس تعداد میں حالیہ ہفتوں کے دوران خصوصا جنوبی ایران میں امریکہ کے ساتھ جھڑپوں میں مارے جانے والے افراد شامل نہیں ہیں۔ جاںبحق ہونے والوں میں تقریبا تین ہزار مرد اور 500 خواتین شامل ہیں۔
انھوں نے مزید بتایا کہ جاںبحق ہونے والوں میں 270 طلبہ بھی شامل تھے جن میں اکثریت میناب کے شجر طیبہ سکول کے طلبہ کی تھی جو ایران پر امریکہ اور اسرائیل کے حملے کے پہلے روز مارے گئے۔
ان میں 38 بچے ایسے تھے جن کی عمر 5 سال سے کم تھی۔رپورٹ میں یہ واضح نہیں کیا گیا کہ جاں بحق افراد میں کتنے فوجی اہلکار شامل تھے، تاہم ایرانی خبر رساں ایجنسی ارنا نے اس سے قبل رپورٹ کیا تھا کہ جنگ میں کم از کم 1,460 شہری اور 2,080 ایرانی فوجی اہلکار جاںبحق ہوئے تھے۔
