ADMIN 
بھکر(فرنٹیئرنیوز)حکومت پنجاب کے احکامات پر بھکر پولیس کا جرائم پیشہ عناصر اور قانون شکن افراد کے خلاف کریک ڈاؤن جاری۔
ڈی پی او بھکر شہزاد رفیق اعوان کے احکامات اور ایس ڈی پی او کلورکوٹ ظفر اقبال کلیار کی نگرانی میں ایس ایچ او تھانہ جنڈانوالہ انسپکٹر نوید حسن لک اور اسسٹنٹ سب انسپکٹر ضیاء اللہ خان معہ ٹیم نے کارروائی کرتے ہوئے گداگری ایکٹ کی خلاف ورزی کرنے والے ملزم عبدالشکور ولد نعمت علی، سکنہ ضلع خوشاب، کو گرفتار کر لیا۔
دوسری کارروائی کے دوران ناجائز اسلحہ رکھنے والے ملزم لال محمد کو گرفتار کرکے اس کے قبضے سے 12 بور سنگل بیرل بندوق برآمد کر لی گئی۔ ملزم اسلحہ کا کوئی لائسنس یا اجازت نامہ پیش نہ کر سکا۔
دونوں ملزمان کے خلاف متعلقہ دفعات کے تحت مقدمات درج کرکے انہیں پابند سلاسل کر دیا گیا ہے، جبکہ مزید قانونی کارروائی حسب ضابطہ جاری ہے۔۔
بھکر پولیس قانون کی بالادستی اور شہریوں کے تحفظ کے لیے پرعزم ہے
