نجکاری کے عمل میں صارفین کے مفاد کو ترجیح دی جائے،وزیراعظم کی ہدایت
ADMIN اسلام آباد(فرنٹیئرنیوز)وزیراعظم شہباز شریف سے وفاقی وزیرِ مذہبی امور سردار یوسف نے ملاقات کی، جس میں وزیراعظم کو آئندہ حج کی تیاریوں اور عازمین کے لیے کیے جانے والے انتظامات پر تفصیلی بریفنگ دی گئی۔
وفاقی وزیر نے وزیراعظم کو آئندہ حج کیلئے سعودی حکام سے ہونے والے معاہدوں کی پیشرفت سے بھی آگاہ کیا۔ علاوہ ازیں، انہوں نے وزارتِ مذہبی امور کے دیگر جاری منصوبوں اور عوامی سہولت کے لیے اٹھائے گئے اقدامات پر بھی بریفنگ دی۔
وزیراعظم نے وزیر مذہبی امور کو حج کے عمل کو شفاف اور آرام دہ بنانے کے لیے تمام ضروری اقدامات بروقت مکمل کرنے کی ہدایت کی۔وزیراعظم نے کہا کہ حج کے دوران پاکستانی عازمین کو رہائش، ٹرانسپورٹ اور طبی امداد سمیت بہترین سہولیات کی فراہمی ہر صورت یقینی بنائی جائے۔
شہباز شریف نے ہدایت کی کہ حج آپریشن سے متعلق تمام انتظامی و ترتیبی امور کو وقت سے پہلے اور مثر انداز میں حتمی شکل دی جائے تاکہ عازمینِ حج کو مناسکِ حج کی ادائیگی میں کسی قسم کی دشواری کا سامنا نہ کرنا پڑے۔
